बर्तमान सरकार ईतिहासकै निकम्मा : अशोक राई

प्रेमीले घरजम गरिसकेको थाहा पाउँदा नाडी काटेर आत्महत्या प्रयास

 

वर्तमान सरकार इतिहासकै निकम्मा : अध्यक्ष राई

पेलेर जान खोजे कडा संघर्ष गर्ने चेतावनी

 

प्रकाशित मिति: भाद्र १९ गते

काठमाडौं,भदौ १४–संघीय समाजवादी पार्टीका अध्यक्ष अशोक राईले वर्तमान सरकार इतिहासकै निकम्मा साबित भएको बताएका छन् । शनिबार पार्टीसम्बद्ध नेवाः प्रदेश समितिद्वारा आयोजित ‘संघीय जागरण अभियान’मा बोल्दै उनले निकम्मा सरकारको रबैयाकै कार वर्तमान सरकारको मुलुकको राजनीतिक गतिरोध चुलिएको आरोप लगाए ।
अधिकतम समय वर्तमान सरकार र सत्तासित दलहरुको आलोचनामा समय खर्चिएका राईले नेपालको इतिहासमा सबैभन्दा अयोग्य, अकर्मण्य र असफल सरकार अहिलेकै रहेको टिप्पणी गरे ।उनले वर्तमान सरकारले प्रतिपक्षलाई विश्वासमा लिएर अघि बढ्नुपर्नेमा लापार्वाही ढंगले सरकार सञ्चालन गरिरहेको भन्दै कडा रोष प्रकट गरे ।
‘प्रतिपक्षलाई विश्वासमा लिई अघि बढ्नुपथ्र्यो,’ सभालाई सम्बोधन गर्दै उनले भने, ‘तर, लापार्वाही ढंगले सरकार सञ्चालन गरिरहेका छन् ।’
राईले २६ जना सभासद् मनोनयन प्रक्रियामा समेत आपसी सहमतिलाई बेवास्ता गरी सत्तासित दलहरु अघि बढेको बताए । उनले प्रतिपक्ष दलहरुले सहमतिको आग्रह गर्दागर्दै कांग्रेस–एमालेले हतारमा निर्णय गरेको बताए । ‘त्यत्रो समय अनिर्णित रहेको सभासद मनोनयन प्रक्रियाका लागि दुई दिन समय माग्दा उनीहरुले मानेनन्,’ नेवाः राज्यस्तरका सयौं कार्यकर्तामाझ उनले भने, ‘यसले गर्दा वर्तमान दुई सत्तासिन दल (कांग्रेस–एमाले) पेलेरै जाने मनसायमा देखिन्छन् ।’
यद्यपि, राईले नेपालका उत्पीडित, उपेक्षित, शोषित र सीमान्तकृृतको मागलाई बेवास्ता गरी संविधान जारी गर्न आफूहरुले कडा संघर्ष गर्ने चेतावनीसमेत दिए । उनले भने, ‘संख्याको आधारमा नेपालका आम उत्पीडितको मागलाई बेवास्ता गरे कडा आन्दोलन गर्नेछौं ।’
सभासदसमेत रहेका राईले हाल संविधानसभाभित्र दम्भले कांग्रेस र एमाले बहुमतको भ्रम पालेर बसिरहेकाले मुक्त हुनसमेत सुझाए । ‘अहिले सुन्निएकोलाई मोटाएको भनी गलत व्याख्या गर्ने कार्य गरिरहेका छन्,’ कांग्रेस र एमालेलाई संकेत गर्दै उनले भने, ‘यसखाले भ्रमबाट मुक्त हुन आग्रह गर्दछु । किनभने संविधान संख्याले होइन, विचारले लेखिने हो ।’
नयाँ पार्टी निर्माण गरेर सही निर्णय ः
अध्यक्ष राईले वर्तमान संविधानसभामा कांग्रेस र एमालेको प्रवृत्ति र व्यवहार देख्दा संघीय समाजवादी पार्टी घोषणा गरेकोमा सही निर्णय गरेको बताए । ‘हामीले विभिन्न पार्टी त्यागपछि नयाँ पार्टी घोषणा गरेकोमा सोह्रैआना सही निर्णय गरेका रहेछौं,’ उनले भने, ‘नत्रभने अरु कसैले नयाँ पार्टी घोषणा गर्थे ।’
उनले सम्पूर्ण उत्पीडित जाति, समुदाय, लिंग र क्षेत्रको माग सम्बोधनमा संविधानसभामा प्रमुख भनिएका दलहरु सकारात्मक नरहेकाले पनि नयाँ शक्ति निर्माणमा अरु आउन सक्ने सम्भावनालाई औंल्याउँदै भने, ‘हामीले वास्तविक उत्पीडित आम जनसमुदायको जीवनस्तर उकास्नका निम्ति यो बाटो रोजेका हौं ।