२०० औ भानु जयन्तीको उपलक्ष्यमा दुबईमा अन्तर युएई खुल्ला कबिता प्रतियोगिता सम्पन्न !!!

अन्तर यूएइ खुल्ला कविता प्रतियोगिता सम्पन्न,सरोज पाहाँगो प्रथम-

द्दिसयौ भानु जयन्तीको अवसर पारेर विश्व नेपाली साहित्य महासंघ यूएइ शाखाले गत शुक्रवार अन्तर यूएइ खुल्ला कविता प्रतियोगिता सम्पन्न गरेको छ । यस कार्यक्रममा क्रमशः सरोज पाँहगो प्रथम,टपन घर्तीमगर द्वितीय र साजन रार्इ तृतीय भएका छन् । यूएइमा रहेका करिब डेढ दर्जन कवि कवयित्रिहरू सहभागी रहेको यस कार्यक्रममा अप्रतियोगी कविहरूको उपस्थिति पनि बकुलै देखिएको थियो । सबैले समसामयिक विषयमा कविता वाचन गरेका थिए ।
विश्व नेपाली साहित्य महासंघ केन्द्रीय कार्यसमितिका महासचिव समदर्शी काँइलाको प्रमुख आतिथ्यमा सञ्चालित प्रतियोगितात्मक कार्यक्रमका निर्णायक मण्डलमा निर्णायक संयोजक दलवीरसीं वराइली ‘घायल’ , दिप राज नेयोङहाङ र निमेष गिरी रहनु भएको थियो । कार्यक्रममा आदिवासी जनजाति महासंघका अध्यक्ष डेर राज गुरुङ लमतमु, नेपाली समाज यूएइका अध्यक्ष ज्ञानेन्द्र कार्की, किरात याक्थुङ चुम्लुङका अध्यक्ष पि.एस.निङलेकु लिम्बु, पथ्री युवा समाजका अध्यक्ष  कृष्ण पौड्याल, आदिवासी जनजाति महासंघ यूएइका भूतपूर्व अध्यक्ष गिर मान थापा गाहा मगरले शुभकामना मन्तव्य राखेका थिए ।
विश्व नेपाली साहित्य महासंङले विश्वमा रहेका नेपाली साहित्य प्रति अभि रुचि राख्ने तमाम नेपालीहरू सँग परस्पर सम्बन्ध राखि नेपाली साहित्य र भाषालार्इ अन्ताराष्ट्रिय करण गर्दै लाने अभियान अन्तर्गत यूएइमा पनि यसको शाखा खोलिएको र यस शाखाले विगतका लामो समय देखि विविध नेपाली साहित्य सम्बन्धी क्रिया कलापहरू गर्दै आएको र तत्कालमै यूएइ अन्तर्गतका लोकप्रिय कवि कवयित्रिहरूको सृजनाको खोजी गरी प्रकाशनमा ल्याउने योजना रहेको कुरा शाखाका अध्यक्ष तथा कार्यक्रम संयोजक विद्रोही साइँलाले कार्यक्रम समापन गर्ने क्रममा बताउनु भयो ।
ग्रउमी, दुबई , युएई